美麗的花
https://www.youtube.com/watch?v=H3lXnZC1MS4
《美麗的花》Bí-lē ê Hue
龍千玉Liông Tshian-gio̍k
——————————————
白色花蕊白茫茫
pe̍h-sik hue-luí pe̍h-bâng-bâng
風吹日曝雨水淋
hong tshue ji̍t pha̍k hōo-tsuí lâm
無怪環境佮難關
bô kuài khuân-kíng kah lân-kuan
一點露水一點夢
tsi̍t-tiám lōo-tsuí tsi̍t-tiám bāng
白色花蕊頭犁犁
pe̍h-sik hue-luí thâu lê-lê
世情冷暖露水凍
sè-tsîng líng-luán lōo-tsuí tàng
秋蟬知影伊身世
tshiu-siân tsai-iánn i sin-sè
堅心勝過冬天雪
kian-sim sìng-kuè tang-thinn seh
白文文菅芒花
pe̍h bûn-bûn kuann-bâng hue
感謝天感謝地
kám-siā thinn kám-siā tē
感謝月娘
kám-siā gue̍h-niû
聽阮講著心內話
thiann gún kóng-tio̍h sim-lāi uē
白文文菅芒花
pe̍h bûn-bûn kuann-bâng hue
隨清風輕輕飛
suî tshing hong khin-khin pue
為著一生的夢
uī-tio̍h it-sing ê bāng
猶原生做遮美麗
iu-guân sinn-tsuè tsiah bí-lē
