緣薄情深
《緣薄情深》Iân Po̍h Tsîng Tshim
龍千玉Liông Tshian-gio̍k
——————————————
為怎樣你的心
uī-tsuánn-iūnn lí ê sim
食到這个年歲袂穩定
tsia̍h kah tsit-ê nî-huè buē ún-tīng
若是棄嫌我過去的人生
nā-sī khì-hiâm guá kuè-khì ê jîn-sing
當初何必來做陣
tong-tshoo hô-pit lâi tsuè-tīn
為怎樣咱的情
uī-tsuánn-iūnn lán ê tsîng
講好欲放又閣纏鬥陣
kóng-hó beh pàng iū-koh tînn tàu-tīn
事實你我
sū-si̍t lí guá
攏已經下感情
lóng í-king hē kám-tsîng
情絲已經纏袂清
tsîng-si í-king tînn buē tshing
啊~緣薄情深
ah~ iân po̍h tsîng tshim
折磨咱的心
tsiat-buâ lán ê sim
好好的日子來捙跋反
hó-hó ê ji̍t-tsí lâi tshia-pua̍h-píng
愛若必巡
ài nā pit-sûn
咱就莫硬弓
lán tiō mài ngē king
袂當到老的原因
buē-tàng kàu lāu ê guân-in
是個性
sī kò-sìng
