絕情夢
《絕情夢》Tsua̍t-tsîng Bāng
龍千玉Liông Tshian-gio̍k
——————————————
心相印過去的雙人
sim siong-ìn kuè-khì ê siang-lâng
無疑會來變成冤仇人
bô-gî ē lâi piàn-sîng uan-siû-lâng
敢講天意將咱來戲弄
kám-kóng thinn-ì tsiong lán lâi hì-lāng
緣份兩字分西東
iân-hūn nn̄g-jī hun se-tang
千辛萬苦
tshian-sin-bān-khóo
來掖落的一領感情網
lâi iā lo̍h ê tsi̍t-niá kám-tsîng-bāng
誰知收回無半項
siáng tsai siu-huê bô-puànn-hāng
夢夢啊夢
bāng bāng–ah bāng
痴情的相思欉
tshi-tsîng ê siunn-si tsâng
換回一場
uānn huê tsi̍t-tiûnn
絕情的彼場夢
tsua̍t-tsîng ê hit tiûnn bāng
