笑看人生
《笑看人生》Tshiàu-khàn Jîn-sing
龍千玉Liông Tshian-gio̍k
——————————————
運命暫時不如意
ūn-miā tsiām-sî put-jû-ì
毋通家己心潑水冷
m̄-thang ka-tī sim phuah-tsuí líng
毋免怨嘆
m̄-bián uàn-thàn
這个世界無公平
tsit ê sè-kài bô kong-pîng
也毋免揣人討人情
iā m̄-bián tshuē lâng thó-jîn-tsîng
海佮天永遠牽連
hái kah thinn íng-uán khan-liân
罩烏雲
tà oo-hûn
也會見光明
iā ē kìnn kong-bîng
無月的暝
bô gue̍h ê mî
等待日出雲清
tán-thāi ji̍t tshut hûn tshing
總也有快樂的心情
tsóng iā ū khuài-lo̍k ê sim-tsîng
越頭過去啊
ua̍t-thâu kuè-khì–ah
像雲煙
tshiūnn hûn-ian
笑看起起落落的過程
tshiàu-khàn khí-khí-lo̍h-lo̍h ê kuè-tîng
笑看浮浮沉沉的海湧
tshiàu-khàn phû-phû-tîm-tîm ê hái-íng
多年以後看待
to-nî í-āu khuànn-thāi
恩恩怨怨的世情
un-un-uàn-uàn ê sè-tsîng
是非曲折
sī-hui khiok-tsiat
一切總會停
it-tshè tsóng ē thîng
海海世事
hái-hái-sè-sū
咱笑笑看人生
lán tshiò-tshiò khuànn jîn-sing
