望春
《望春》Bāng Tshun
龍千玉Liông Tshian-gio̍k
——————————————
窗外的月光照山崙
thang-guā ê gue̍h-kng tsiò suann-lūn
秋風冷霜霜
tshiu-hong líng sng-sng
夢中的情景
bāng-tiong ê tsîng-kíng
離合紛紛
lî-ha̍p hun-hun
遙遠日黃昏
iâu-uán ji̍t hông-hun
窗外的小雨
thang-guā ê sió-hōo
落袂停
lo̍h buē-thîng
珠淚含喙脣
tsu-luī kâm tshuì-tûn
坎坷的情路
khám-khia̍t ê tsîng-lōo
有緣無份
ū-iân bô-hūn
啥人耽誤阮
siánn-lâng tam-gōo gún
啊~等到草木黃
ah~ tán-kàu tshó-bo̍k n̂g
望春趕緊過一輪
bāng tshun kuánn-kín kuè tsi̍t-lûn
望春改變阮的命運
bāng tshun kái-piàn gún ê miā-ūn
帶來溫柔春風
tuà-lâi un-jiû tshun-hong
溫暖紅眠床
un-luán âng bîn-tshn̂g
望春趕緊過一輪
bāng tshun kuánn-kín kuè tsi̍t-lûn
望春溫柔風齊勻
bāng tshun un-jiû hong tsiâu-ûn
吹焦面上淚痕
tshue ta bīn-siōng luī-hûn
等燕仔飛入門
tán ìnn-á pue ji̍p-mn̂g
