手心
《手心》Tshiú-sim
龍千玉 Liông Tshian-gio̍k
——————————————
拍開溫暖的雙手
phah-khui un-luán ê siang-tshiú
展開笑容來付出
tián-khui tshiò-iông lâi hù-tshut
人生若像海中船
jîn-sing ná-tshiūnn hái-tiong tsûn
難免有雨有風湧
lân-bián ū hōo ū hong-íng
將心比心來關懷
tsiong-sim pí-sim lâi kuan-huâi
啊無所求
ah bú sóo kiû
拍開你我的手心
phah khui lí guá ê tshiú-sim
真愛貼胸前
tsin-ài tah hing-tsîng
聽著幸福聲音
thiann-tio̍h hīng-hok siann-im
互相來接近
hōo-siong lâi tsiap-kīn
拍開溫柔的窗門
phah-khui un-jiû ê thang-mn̂g
世間人人攏平等
sè-kan lâng-lâng lóng pîng-tíng
咱著好好珍惜
lán tio̍h hó-hó tin-sioh
所有的情份
sóo-ū ê tsîng-hūn
手牽手
tshiú khan tshiú
行向日出見光明
kiânn hiòng ji̍t-tshut kìnn kong-bîng
