性命的太陽
《性命的太陽》Sìnn-miā ê Thài-iông
龍千玉 Liông Tshian-gio̍k
——————————————
看日出東方
khuànn ji̍t tshut tong-hong
性命的太陽
sìnn-miā ê thài-iông
掰開天邊烏雲
pué-khui thinn-pinn oo-hûn
露出笑容
lōo-tshut tshiò-iông
千年玉樹臨風
tshian-nî gio̍k-tshiū lîm-hong
遠離悲傷
uán-lī pi-siong
攑頭出現
gia̍h-thâu tshut-hiān
燦爛的彩虹
tshàn-lān ê tshái khīng
看日落西山
khuànn ji̍t lo̍h se-san
跤步來放慢
kha-pōo lâi pàng bān
人生若旅行
jîn-sing nā lú-hîng
沿路行行又停停
iân-lōo kiânn-kiânn iū thîng-thîng
欣賞美麗光景
him-sióng bí-lē kong-kíng
體會悲歡人情
thé-huē pi-huan jîn-tsîng
世事多變
sè-sū to piàn
風過雨會停
hong kuè hōo ē thîng
啊~海海看人生
ah~ hái-hái khuànn jîn-sing
毋驚風毋驚湧
m̄-kiann hong m̄-kiann íng
咱手心牽連
lán tshiú sim khan-liân
行出歹環境
kiânn tshut pháinn khuân-kíng
啊~海海看人生
ah~ hái-hái khuànn jîn-sing
行過烏暗向光明
kiânn kuè oo-àm hiòng kong-bîng
啊~世間溫暖
ah~ sè-kan un-luán
處處有真情
tshù-tshù ū tsin-tsîng
