衝
《衝》Tshiong
辦桌二人組Pān-toh Jī-jîn-tsoo
——————————————
夢中烏暗的天啊
bāng-tiong oo-àm ê thinn–ah
害阮煞失去方向
hāi gún suah sit-khì hong-hiòng
遙遠閃爍的星啊
iâu-uán siám-sih ê tshinn–ah
墜落踮阮手中
tuī-lo̍h tiàm gún tshiú-tiong
一切不平凡的現象
it-tshè put-pîng-huân ê hiān-siōng
提醒阮往事如風
thê-tshínn gún óng-sū jû hong
人生無情的流浪
jîn-sing bô-tsîng ê liû-lōng
阮猶閣有笑容
gún iáu-koh ū tshiò-iông
勇敢來衝
ióng-kám lâi tshiong
衝出阮身上
tshiong tshut gún sin-siōng
最後的力量
tsuè-āu ê li̍k-liōng
過去的種種
kuè-khì ê tsióng-tsióng
世事的無常
sè-sū ê bû-siông
留踮天涯中
lâu tiàm thian-gâi tiong
拍拚來衝
phah-piànn lâi tshiong
衝出阮面前
tshiong tshut gún bīn-tsîng
風飛沙的阻擋
hong-pue-sua ê tsóo-tòng
今後的前途
kim-āu ê tsiân-tôo
唯一的願望
uî-it ê guān-bōng
拍拚向前衝
phah-piànn hiòng-tsiân tshiong
