無價值的愛
《無價值的愛》Bô Kè-ta̍t ê Ài
隨性樂團Suî-sìng Ga̍k-thuân
——————————————
今仔日你講
kin-á-ji̍t lí kóng
欲來離開
beh lâi lī-khui
出國讀冊轉來
tshut-kok tha̍k-tsheh tńg–lâi
趁較濟錢
thàn khah tsē tsînn
我講無意義
guá kóng bô ì-gī
你感覺有意義
lí kám-kak ū ì-gī
想過當初鬥陣的日子
siūnn-kuè tong-tshue tàu-tīn ê ji̍t-tsí
是我無好好來對待你
sī guá bô hó-hó lâi tuì-thāi lí
但是做伙五年
tān-sī tsuè-hué gōo-nî
我想講註定就是你
guá siūnn-kóng tsù-tiānn tiō-sī lí
啊~是我無心抑是你無情
ah~ sī guá bô-sim ia̍h-sī lí bô-tsîng
是我無情抑是你無義
sī guá bô-tsîng ia̍h-sī lí bô-gī
你講無想欲過無未來的日子
lí kóng bô siūnn-beh kuè bô bī-lâi ê ji̍t-tsí
你來離開
lí lâi lī-khui
甘願放捒阮的感情
kam-guān pàng-sak gún ê kám-tsîng
我無心
guá bô-sim
敢是我真正無心
kám-sī guá tsin-tsiànn bô-sim
你無情
lí bô-tsîng
你的反應有夠冷靜
lí ê huán-ìng ū-kàu líng-tsīng
喔~這真正無道理
ooh~ tse tsin-tsiànn bô tō-lí
你來離開
lí lâi lī-khui
甘願放捒阮的感情
kam-guān pàng-sak gún ê kám-tsîng
無消無息
bô-siau-bô-sit
你的電話敢有開機
lí ê tiān-uē kám ū khui-ki
無值錢
bô-ta̍t-tsînn
阮的感情敢無值錢(敢真正無值錢)
gún ê kám-tsîng kám bô-ta̍t-tsînn (kám tsin-tsiànn bô-ta̍t-tsînn)
喔~茫茫啉醉到深更
ooh~ bâng-bâng lim tsuì kàu tshim-kinn
無了時
bô-liáu-sî
