永遠的朋友
《永遠的朋友》Íng-uán ê Pîng-iú
辦桌二人組Pān-toh Jī-jîn-tsoo
——————————————
毋捌袂記你的模樣
m̄-bat buē-kì lí ê bôo-iūnn
溫柔的目睭無憂愁
un-jiû ê ba̍k-tsiu bô iu-tshiû
想起咱做朋友
siūnn-khí lán tsuè pîng-iú
豪情四海啉燒酒
hô-tsîng sù-hái lim sio-tsiú
無愛想未來
bô-ài siūnn bī-lâi
以後是怎樣
í-āu sī tsuánn-iūnn
毋知咱到底為怎樣
m̄-tsai lán tàu-té uī-tsuánn-iūnn
你我無聯絡的緣由
lí guá bô liân-lo̍k ê iân-iû
閣見面的時陣
koh kìnn-bīn ê sî-tsūn
你我攏有白喙鬚
lí guá lóng ū pe̍h tshuì-tshiu
過去著何必閣再研究
kuè-khì tio̍h hô-pit koh-tsài gián-kiù
因為你是我
in-uī lí sī guá
永遠的朋友
íng-uán ê pîng-iú
新冬送舊秋
sin tang sàng kū tshiu
感情也袂變樣
kám-tsîng iā buē piàn-iūnn
等待咱變老長壽
tán-thāi lán piàn lāu-tiông-siū
做陣曲跤撚喙鬚
tsuè-tīn khiau-kha lián tshuì-tshiu
笑談起
tshiàu-tâm khí
少年時的模樣
siàu-liân-sî ê bôo-iūnn
