毋通講戇話
《毋通講戇話》M̄-thang Kóng Gōng-uē
錢愛真Tsînn Ài-tsin
——————————————
講啥物離開我
kóng siánn-mih lī-khui guá
無啥關係
bô siánn kuan-hē
這攏是騙人的話
tse lóng-sī phiàn–lâng ê uē
咱兩人暝日咧做伙
lán nn̄g-lâng mî-ji̍t teh tsuè-hué
離開我
lī-khui guá
你一定是真怨慼
lí it-tīng sī tsin uàn-tshueh
講啥物離開我
kóng siánn-mih lī-khui guá
欲揣別个
beh tshuē pa̍t-ê
這敢是你的氣話
tse kám-sī lí ê khì-uē
咱兩人自細漢做伙
lán nn̄g-lâng tsū sè-hàn tsuè-hué
我知影你咧講白賊話
guá tsai-iánn lí teh kóng pe̍h-tsha̍t-uē
請你毋通想遐濟
tshiánn lí m̄-thang siūnn hiah tsuē
請你毋通講戇話
tshiánn lí m̄-thang kóng gōng-uē
當做你佮我的笑話
tòng-tsuè lí kah guá ê tshiò-uē
你一生
lí it-sing
敢是只愛阮一个
kám-sī tsí ài gún tsi̍t-ê
若是閣再賭氣
nā-sī koh-tsài tóo-khì
若是閣再賭氣啊
nā-sī koh-tsài tóo-khì–ah
你一生就反悔
lí it-sing tiō huán-hué
