感謝你的陪伴
《感謝你的陪伴》Kám-siā Lí ê Puê-phuānn
隨性樂團Suî-sìng Ga̍k-thuân
——————————————
人生有苦有甜
jîn-sing ū khóo ū tinn
有時天光
ū-sî thinn-kng
有時暗暝
ū-sî àm-mî
感謝你的提醒
kám-siā lí ê thê-tshínn
我會照顧家己
guá ē tsiàu-kòo ka-kī
這條路上
tsit tiâu lōo-siōng
咱互相支持
lán hōo-siong tsi-tshî
人生有情有義
jîn-sing ū tsîng ū gī
你上了解我的心情
lí siōng liáu-kái guá ê sim-tsîng
感謝你的相伨
kám-siā lí ê sio-thīn
支持我的決定
tsi-tshî guá ê kuat-tīng
人生路途咱互相約定
jîn-sing lōo-tôo lán hōo-siong iok-tīng
我的身邊有你陪伴
guá ê sin-pinn ū lí puê-phuānn
我的生活免閣驚惶
guá ê sing-ua̍h bián koh kiann-hiânn
好朋友出來
hó-pîng-iú tshut–lâi
話講袂煞
uē kóng buē suah
大聲講出咱的希望
tuā-siann kóng-tshut lán ê hi-bāng
我的身邊有你陪伴
guá ê sin-pinn ū lí puê-phuānn
我的生活免閣驚惶
guá ê sing-ua̍h bián koh kiann-hiânn
好朋友出來
hó-pîng-iú tshut–lâi
酒啉予焦
tsiú lim hōo ta
大聲講出咱的夢
tuā-siann kóng-tshut lán ê bāng
感謝你的陪伴
kám-siā lí ê puê-phuānn
朋友一句話
pîng-iú tsi̍t-kù uē
這無算啥
tse bô sǹg siánn
看破種種的虛華
khuànn-phuà tsióng-tsióng ê hi-hua
你的支持上感心啦
lí ê tsi-tshî siōng kám-sim–lah
