噴射時代
《噴射時代》Phùn-siā Sî-tāi
隨性樂團Suî-sìng Ga̍k-thuân
——————————————
莫閣規工咧怨慼
mài koh kui kang teh uàn-tsheh
你若無歡喜
lí nā bô huann-hí
就換一个所在
tiō uānn tsi̍t-ê sóo-tsāi
莫閣哭爸啊
mài koh khàu-pē–ah
生佇這馬的社會
sinn tī tsit-má ê siā-huē
著愛徛穩家己的跤步
tio̍h-ài khiā ún ka-kī ê kha-pōo
時代咧改變
sî-tāi teh kái-piàn
人講青春短短
lâng kóng tshing-tshun té-té
時間無濟
sî-kan bô tsē
上驚無聊的咒誓
siōng kiann bô-liâu ê tsiù-tsuā
變做笑話
piàn-tsò tshiò-uē
原來這是咱的時代
guân-lâi tse sī lán ê sî-tāi
蹛佇一个噴射的時代
tuà tī tsi̍t-ê phùn-siā ê sî-tāi
把握時機
pá-ak sî-ki
成功咧手內
sîng-kong teh tshiú-lāi
袂快活袂快活
bē khuìnn-ua̍h bē khuìnn-ua̍h
佮你做伙無彩工
kah lí tsuè-hué bô-tshái-kang
無價值無價值
bô kè-ta̍t bô kè-ta̍t
為怎樣愛為你拚性命
uī tsuánn-iūnn ài uī lí piànn-sìnn-miā
咱的夢咱的夢
lán ê bāng lán ê bāng
咱的價值家己來活
lán ê kè-ta̍t ka-kī lâi ua̍h
無的確無的確
bô-tik-khak bô-tik-khak
需要改變需要去行
su-iàu kái-piàn su-iàu khì-kiânn
放棄無聊的規矩
hòng-khì bô-liâu ê kui-kí
無效的咒誓
bô-hāu ê tsiù-tsuā
活出咱的價值
ua̍h tshut lán ê kè-ta̍t
離開這个古板的所在
lī-khui tsit-ê kóo-pán ê sóo-tsāi
對這馬開始
tuì tsit-má khai-sí
著愛覺醒
tio̍h-ài kak-tshénn
時代已經改變
sî-tāi í-king kái-piàn
咱活在噴射的時代
lán ua̍h tsāi phùn-siā ê sî-tāi
—
放棄無聊的規矩
hòng-khì bô-liâu ê kui-kí
無效的咒誓
bô-hāu ê tsiù-tsuā
活出咱的價值
ua̍h tshut lán ê kè-ta̍t
離開這个古板的所在
lī-khui tsit-ê kóo-pán ê sóo-tsāi
對這馬開始
tuì tsit-má khai-sí
著愛覺醒
tio̍h-ài kak-tshénn
時代已經改變
sî-tāi í-king kái-piàn
咱活在噴射的時代
lán ua̍h tsāi phùn-siā ê sî-tāi
莫活在過去的世界
mài ua̍h tsāi kuè-khì ê sè-kài
咱活在噴射的時代
lán ua̍h tsāi phùn-siā ê sî-tāi
