美少女
《美少女》
賴慧如Luā Huī-jû
——————————————
早就毋是做夢的年紀
tsá tiō m̄-sī tsuè-bāng ê nî-kí
人生才會感覺空虛
jîn-sing tsiah ē kám-kak khang-hi
每日攏咧操煩我佮你
muí-ji̍t lóng teh tshau-huân guá kah lí
這種生活
tsit-tsióng sing-ua̍h
敢有啥意義
kám ū siánn ì-gī
毋免用芳水
m̄-bián iōng phang-tsuí
毋免點胭脂
m̄-bián tiám ian-tsi
美麗著愛靠咱的智慧
bí-lē tio̍h-ài khò lán ê tì-huī
一年有四季
tsi̍t-nî ū sù-kuì
攏有花開時
lóng ū hue khui sî
千萬毋通棄嫌你家己
tshian-bān m̄-thang khì-hiâm lí ka-tī
做一个快樂
tsuè tsi̍t-ê khuài-lo̍k
又自信的美少女
iū tsū-sìn ê měishàonǚ
—
揣出彼跤勇氣的行李
tshuē tshut hit kha ióng-khì ê hîng-lí
自在逍遙
tsū-tsāi siau-iâu
緊貯予滇
kín té hōo tīnn
歲月流失
suè-gua̍t liû-sit
毋免感覺傷悲
m̄-bián kám-kak siong-pi
熱情猶閣佇你的身邊
jia̍t-tsîng iáu-koh tī lí ê sin-pinn
