捾酒矸過日子
《捾酒矸過日子》Kuānn Tsiú-kan Kuè-ji̍t-tsí
辦桌二人組Pān-toh Jī-jîn-tsoo
——————————————
捾酒矸過日子
kuānn tsiú-kan kuè ji̍t-tsí
酒閣啉一喙
tsiú koh lim tsi̍t-tshuì
大聲對你講
tuā-siann tuì lí kóng
我是遮爾仔愛你
guá sī tsiah-nī-á ài lí
–
已經經過遮濟年
í-king king-kuè tsiah tsuē nî
毋知愛情是啥物
m̄-tsai ài-tsîng sī siánn-mih
因為愛你
in-uī ài lí
過著流浪的日子
kuè tio̍h liû-lōng ê ji̍t-tsí
伴著野狗過冬天
phuānn tio̍h iá-káu kuè tang-thinn
早就一个人
tsá tiō tsi̍t-ê-lâng
寂寞慣勢
tsi̍k-bo̍k kuàn-sì
接受命運的創治
tsiap-siū miā-ūn ê tshòng-tī
一切攏順天的意
it-tshè lóng sūn thinn ê ì
因為愛你
in-uī ài lí
只求會當感動天
tsí kiû ē-tàng kám-tōng thinn
轉送對你的愛意
tsuán-sàng tuì lí ê ài-ì
予你袂離開阮的身軀邊
hōo lí bē lī-khui gún ê sin-khu-pinn
捾酒矸過日子
kuānn tsiú-kan kuè ji̍t-tsí
雄酒啉落去
hiông-tsiú lim–lo̍h-khì
茫茫袂清醒
bâng-bâng buē tshing-tshínn
較袂艱苦過日子
khah buē kan-khóo kuè ji̍t-tsí
捾酒矸過日子
kuānn tsiú-kan kuè ji̍t-tsí
酒閣啉一喙
tsiú koh lim tsi̍t-tshuì
大聲對你講
tuā-siann tuì lí kóng
我是遮爾仔愛你
guá sī tsiah-nī-á ài lí
