失戀的人唱失戀的歌
《失戀的人唱失戀的歌》Sit-luân ê Lâng Tshiùnn Sit-luân ê Kua
辦桌二人組Pān-toh Jī-jîn-tsoo
——————————————
我時常一人開車
guá sî-siông tsi̍t-lâng khui-tshia
開向茫茫的深深的夜
khui hiòng bâng-bâng ê tshim-tshim ê iā
沿路攏無人
iân-lōo lóng bô-lâng
來佮阮做伴
lâi kah gún tsuè-phuānn
身邊就只有孤單
sin-pinn tiō tsí-ū koo-tuann
我時常一人唱歌
guá sî-siông tsi̍t-lâng tshiùnn-kua
唱著苦苦的失戀的歌
tshiùnn tio̍h khóo-khóo ê sit-luân ê kua
每一句每一字
muí tsi̍t-kù muí tsi̍t-jī
攏是心疼
lóng-sī sim-thiànn
是因為你無了解我
sī in-uī lí bô liáu-kái guá
啊~這款這款心情
ah~ tsit khuán tsit khuán sim-tsiânn
無可能予你知影
bô khó-lîng hōo lí tsai-iánn
因為你欲來離開我
in-uī lí beh lâi lī-khui guá
閣講啥物
koh kóng siánn-mi̍h
也攏無較縒
iā lóng bô-khah-tsua̍h
失戀的人
sit-luân ê lâng
唱失戀的歌
tshiùnn sit-luân ê kua
將傷心的酒
tsiong siong-sim ê tsiú
做一喙予焦
tsuè-tsi̍t-tshuì hōo ta
茫茫的心
bâng-bâng ê sim
才袂閣感覺心疼
tsiah buē koh kám-kak sim thiànn
失戀的人
sit-luân ê lâng
唱失戀的歌
tshiùnn sit-luân ê kua
將傷心的目屎
tsiong siong-sim ê ba̍k-sái
滴踮咧塗跤
tih tiàm teh thôo-kha
誰會知影
siáng ē tsai-iánn
傷心是這款心情
siong-sim sī tsit khuán sim-tsiânn
