阿媽的話
《阿媽的話》A-má ê Uē
蕭煌奇Siau Hông-kî
—————————
佇細漢的時陣
tī sè-hàn ê sî-tsūn
阮阿媽對我上好
gún a-má tuì guá siōng-hó
共上好的物件攏會留予我
kā siōng-hó ê mi̍h-kiānn lóng ē lâu hōo guá
伊嘛定定?我去幼稚園*
i mā tiānn-tiānn tshuā guá khì iu-tsí-én (iù-tī-hn̂g *)
看人咧?迌
khuànn-lâng leh tshit-thô
看人咧扮公伙仔
khuànn-lâng leh pān-kong-hué-á
看人咧覕相揣
khuànn-lâng leh bih-sio-tshuē
伊定定共阮講
i tiānn-tiānn kā gún kóng
叫阮著愛好好仔讀冊
kiò gún tio̍h-ài hó-hó-á tha̍k-tsheh
毋通大漢像恁老爸仔
m̄-thang tuā-hàn tshiūnn lín lāu-pē-á
遐爾仔狼狽喔
hiah-nī-á liông-puē–ooh
佇彼个時陣
tī hit-ê sî-tsūn
阮攏聽攏無
gún lóng thiann lóng bô
阿媽你到底是咧講啥貨
a-má lí tàu-té sī teh kóng siánn-huè
大漢了後才知影阿媽的話
tuā-hàn liáu-āu tsiah tsai-iánn a-má ê uē
我會共永遠永遠囥咧心肝底
guá ē kā íng-uán íng-uán khǹg teh sim-kuann-tué
想著一步一步的過去
siūnn-tio̍h tsi̍t-pōo tsi̍t-pōo ê kuè-khì
定定攏會予人真難忘
tiānn-tiānn lóng ē hōo-lâng tsin lân-bōng
時間一分一秒咧過去
sî-kan tsi̍t-hun tsi̍t-bió leh kuè-khì
佇阮的心內定定攏會想著伊
tī gún ê sim-lāi tiānn-tiānn lóng ē siūnn-tio̍h i
阿媽你這馬佇佗位
a-má lí tsit-má tī tó-uī
阮咧叫你你敢有聽著
gún leh kiò lí, lí kám ū thiann-tio̍h
阮的認真佮阮的成功
gún ê jīn-tsin kah gún ê sîng-kong
你敢有看著
lí kám ū khuànn-tio̍h
阮咧叫你你知影無
gún leh kiò lí, lí tsai-iánn bô
阿媽你這馬過了好無
a-má lí tsit-má kuè-liáu hó bô
敢有人咧共你照顧
kám ū-lâng teh kā lí tsiàu-kòo
希望後世人
hi-bāng āu-sì-lâng
阮閣會當來予你疼
gún koh ē-tàng lâi hōo-lí thiànn
做你永遠的孫仔
tsò lí íng-uán ê sun-á
閣叫你一聲阿媽
koh kiò lí tsi̍t-siann a-má
