感情兩字
《感情兩字》Kám-tsîng Nn̄g-jī
蕭承祥Siau Sîng-siông
——————————————
流浪的心聲
liû-lōng ê sim-siann
啥人會知影
siánn-lâng ē tsai-iánn
一暝風雨
tsi̍t-mî hong-hōo
沃澹我心情
ak tâm guá sim-tsiânn
為你來疼心肝
uī lí lâi thiànn sim-kuann
就是袂看破
tiō-sī buē khuànn-phuà
思念的滋味
su-liām ê tsu-bī
親像刀咧割
tshin-tshiūnn to teh kuah
回頭看
huê-thâu khuànn
兩人感情線
nn̄g-lâng kám-tsîng-suànn
分分合合
hun-hun ha̍p-ha̍p
是天註定
sī thinn tsù-tiānn
為情來折磨
uī tsîng lâi tsiat-buâ
痴心換孤單
tshi-sim uānn koo-tuann
愛情啊
ài-tsîng–ah
予人心頭驚
hōo-lâng sim-thâu kiann
啊!予你的批
ah! hōo lí ê phue
毋知欲怎樣寫
m̄-tsai beh tsuánn-iūnn siá
是欲安慰你
sī beh an-uì lí
抑是欲怨嘆你
ia̍h-sī beh uàn-thàn lí
我是戇囝
guá sī gong-kiánn
啥物攏毋知驚
siánn-mih lóng m̄-tsai kiann
感情兩字
kám-tsîng nn̄g-jī
親像是白紙
tshin-tshiūnn sī pe̍h-tsuá
