愛情Su̍t-á
《愛情Su̍t-á》Ài-tsîng Su̍t-á
蕭煌奇Siau Hông-kî
——————————————
頭一擺戇神戇神
thâu-tsi̍t-pái gōng-sîn-gōng-sîn
行來行去
kiânn lâi kiânn khì
毋知我欲創啥
m̄-tsai guá beh tshòng siánn
無人會當探聽你的影
bô-lâng ē-tàng thàm-thiann lí ê iánn
回想你迷人歌聲
huê-sióng lí bê-lâng kua-siann
才知影
tsiah tsai-iánn
上美麗的失去
siōng bí-lē ê sit-khì
上心疼
siōng sim-thiànn
我已經茫茫渺渺
guá í-king bông-bông-biáu-biáu
空思夢想
khang-su bāng-sióng
失去我的方向
sit-khì guá ê hong-hiòng
才會來到彼个溫柔鄉
tsiah ē lâi-kàu hit ê un-jiû-hiong
猶原是閃爍霓虹
iu-guân sī siám-sih nê-hông
親像一切無變卦
tshin-tshiūnn it-tshè bô piàn-kuà
拜託今夜音樂
pài-thok kim-iā im-ga̍k
毋通洩漏阮心聲
m̄-thang sia̍p-lāu gún sim-siann
舞池的善男信女
bú-tî ê siān-lâm-sìn-lú
需要一个伴
su-iàu tsi̍t-ê phuānn
我需要另外一半
guá su-iàu līng-guā tsi̍t-puànn
予你提去一半的我
hōo lí the̍h-khì tsi̍t-puànn ê guá
穿著你送我的
tshīng tio̍h lí sàng guá ê
彼領藍色的新衫
hit niá nâ-sik ê sin-sann
衫真新
sann tsin sin
你已遠走
lí í uán-tsáu
無講一句話
bô kóng tsi̍t-kù uē
予我的心
hōo guá ê sim
煞破一空
suah phuà tsi̍t-khang
顛倒予別人看透透
tian-tò hōo pa̍t-lâng khuànn thàu-thàu
我無感覺
guá bô kám-kak
唱一首探戈赤赤
tshiùnn tsi̍t-siú thàn-gòo tshiah-tshiah
放捒你啦
pàng-sak lí–lah
佇這个鬧熱所在
tī tsit ê lāu-jia̍t sóo-tsāi
無路通行
bô-lōo thang kiânn
無你做伴
bô lí tsuè-phuānn
我欲按怎
guá beh án-tsuánn
心情有一點仔暗淡
sim-tsîng ū tsi̍t-tiám-á àm-tām
目箍會紅
ba̍k-khoo ē âng
跳一首探戈赤赤
thiàu tsi̍t-siú thàn-gòo tshiah-tshiah
無你無我
bô lí bô guá
放浪的人生上好
hòng-lōng ê jîn-sing siōng-hó
講話大聲
kóng-uē tuā-siann
毋驚虛華
m̄-kiann hi-hua
毋驚喙焦
m̄-kiann tshuì-ta
愈唱愈熱
jú tshiùnn jú jua̍h
莫賰我最後一个人
mài tshun guá tsuè-āu tsi̍t-ê-lâng
—
我毋是真正咧快活
guá m̄-sī tsin-tsiànn leh khuìnn-ua̍h
莫賰我最後一个人
mài tshun guá tsuè-āu tsi̍t-ê-lâng
我只是愛情的su̍t-á
guá tsí-sī ài-tsîng ê su̍t-á
