國民學校
《國民學校》Kok-bîn-ha̍k-hāu
蕭煌奇Siau Hông-kî
——————————————
阮故鄉港邊有一間
gún kòo-hiong káng-pinn ū tsi̍t-king
比阿爸較老的國民學校
pí a-pah khah lāu ê kok-bîn-ha̍k-hāu
地動彼年
tē-tāng hit nî
真有福氣
tsin ū hok-khì
政府欲共翻新
tsìng-hú beh kā huan-sin
複雜的計畫
ho̍k-tsa̍p ê kè-uē
牽涉庄頭所有派系
khan-sia̍p tsng-thâu sóo-ū phài-hē
一時烏白兩道
tsi̍t-sî oo-pe̍h lióng-tō
吵攏袂停
tshá lóng buē thîng
有人講學校的路
ū-lâng kóng ha̍k-hāu ê lōo
一定愛買伊的地
it-tīng ài bé i ê tē
有人決定田無愛種
ū-lâng kuat-tīng tshân bô-ài tsìng
欲起一个商場
beh khí tsi̍t-ê siong-tiûnn
人人有計畫
lâng-lâng ū kè-uē
人人攏咧捙跋反
lâng-lâng lóng leh tshia-pua̍h-píng
動用所有關係
tōng-iōng sóo-ū kuan-hē
欲去申請
beh khì sin-tshíng
無人管
bô-lâng kuán
學校前彼條馬路
ha̍k-hāu tsîng hit tiâu bé-lōo
逐工攏嘛篷篷坱
ta̍k-kang lóng-mā phâng phâng ing
連公車不時
liân kong-tshia put-sî
攏會揣無所在通好停
lóng ē tshuē-bô sóo-tsāi thang-hó thîng
毋驚風毋驚雨
m̄-kiann hong m̄-kiann hōo
每日準時來學校
muí-ji̍t tsún-sî lâi ha̍k-hāu
可愛的學生
khó-ài ê ha̍k-sing
上驚上班的汽車
siōng kiann siōng-pan ê khì-tshia
趕路毋願停
kuánn-lōo m̄-guān thîng
紅燈邊仔彼个囡仔
âng-ting pinn–á hit ê gín-á
有啥人會當?伊過馬路
ū siánn-lâng ē-tàng tshuā i kuè bé-lōo
罵來罵去彼陣大人
mā lâi mā khì hit-tīn tuā-lâng
拜託恁聲音毋通傷吵啦
pài-thok lín siann-im m̄-thang siunn tshá–lah
新計畫聽講
sin kè-uē thiann-kóng
徵收市長怹表兄新買的舊田
ting-siu tshī-tiúnn in piáu-hiann sin bé ê kū tshân
真正不幸
tsin-tsiànn put-hīng
有人開銃暗殺一个議員
ū-lâng khui-tshìng àm-sat tsi̍t-ê gī-uân
最後的計畫
tsuè-āu ê kè-uē
毋是所有人攏滿意
m̄-sī sóo-ū-lâng lóng buán-ì
現實親像馬路
hiān-si̍t tshin-tshiūnn bé-lōo
永遠袂平
íng-uán buē pînn
無人管學校邊
bô-lâng kuán ha̍k-hāu pinn
出現酒店佮網咖
tshut-hiān tsiú-tiàm kah wǎngkā
也有趁食間
iā ū thàn-tsia̍h-king
連議長攏有股
liân gī-tiúnn lóng ū kóo
正經bak-kuh有夠?
tsìng-king bak-kuh ū-kàu tīng
欲落成彼一日
beh lo̍k-sîng hit-tsi̍t-ji̍t
有真濟人來學校
ū tsin tsē lâng lâi ha̍k-hāu
抗議佮遊行
khòng-gī kah iû-hîng
規條馬路上
kui tiâu bé-lōo siōng
攏總是選舉的聲音
lóng-tsóng sī suán-kí ê siann-im
喔~~紅燈邊仔彼个囡仔
ooh~ ~ âng-ting pinn–á hit ê gín-á
有啥人會當?伊過馬路
ū siánn-lâng ē-tàng tshuā i kuè bé-lōo
罵來罵去彼陣大人
mā lâi mā khì hit-tīn tuā-lâng
拜託恁聲音毋通傷吵啦
pài-thok lín siann-im m̄-thang siunn tshá–lah
敢毋知恁的子弟
kám m̄-tsai lín ê tsú-tē
需要安靜來讀冊
su-iàu an-tsīng lâi tha̍k-tsheh
一工到暗踮遮吵鬧的人
tsi̍t-kang-kàu-àm tiàm tsia tshá-nāu ê lâng
恁敢毋捌字
lín kám m̄ bat-jī
紅燈邊仔彼个囡仔
âng-ting pinn–á hit ê gín-á
有啥人會當?伊過馬路
ū siánn-lâng ē-tàng tshuā i kuè bé-lōo
罵來罵去彼陣大人
mā lâi mā khì hit-tīn tuā-lâng
拜託恁聲音毋通傷吵啦
pài-thok lín siann-im m̄-thang siunn tshá–lah
紅燈邊仔彼个囡仔
âng-ting pinn–á hit ê gín-á
有啥人會當?伊過馬路
ū siánn-lâng ē-tàng tshuā i kuè bé-lōo
罵來罵去彼陣大人
mā lâi mā khì hit-tīn tuā-lâng
拜託恁聲音毋通傷吵啦
pài-thok lín siann-im m̄-thang siunn tshá–lah
