一定愛成功
《一定愛成功》It-tīng Ài Sîng-kong
蕭煌奇Siau Hông-kî
——————————————
雖然風雖然雨遐爾仔大
sui-jiân hong sui-jiân hōo hiah-nī-á tuā
雖然天雖然地遐爾仔闊
sui-jiân thinn sui-jiân tē hiah-nī-á khuah
坎坷的路烏暗的路
khám-khia̍t ê lōo oo-àm ê lōo
咱著愛小心行
lán tio̍h-ài sió-sim kiânn
雖然你雖然我的運命無仝款
sui-jiân lí sui-jiân guá ê ūn-miā bô kāng-khuán
但是心中總是有一个夢
tān-sī sim-tiong tsóng-sī ū tsi̍t-ê bāng
你的夢我的夢
lí ê bāng guá ê bāng
咱用這世人啊
lán iōng tsit-sì-lâng–ah
拚生拚死也甘願啊
piànn-sinn piànn-sí iā kam-guān–ah
堅持兩字愛繼續寫落去
kian-tshî nn̄g-jī ài kè-sio̍k siá–lo̍h-khì
信心兩字愛一直囥身邊
sìn-sim nn̄g-jī ài it-ti̍t khǹg sin-pinn
提出咱的精神啊
the̍h tshut lán ê tsing-sîn–ah
提出咱的勇氣啊
the̍h tshut lán ê ióng-khì–ah
拍開人生一重一重的包圍
phah-khui jîn-sing tsi̍t-tîng tsi̍t-tîng ê pau-uî
提出咱的智慧啊
the̍h tshut lán ê tì-huī–ah
提出咱的鬥志啊
the̍h tshut lán ê tàu-tsì–ah
將咱的聲音
tsiong lán ê siann-im
大聲喝出去
tuā-siann huah–tshut-khì
傳千里
thuân tshian-lí
咱若欲成功
lán nā beh sîng-kong
管伊誰較勇
kuán i siáng khah ióng
咱若有氣魄
lán nā ū khì-phik
咱就是英雄
lán tō-sī ing-hiông
咱若有擔當
lán nā ū tam-tong
咱就免驚別人講
lán tiō bián-kiann pa̍t-lâng kóng
咱若有實力
lán nā ū si̍t-li̍k
趁著機會
thàn tio̍h ki-huē
一定愛成功
it-tīng ài sîng-kong
