阮毋是啦啦隊
《阮毋是啦啦隊》
蕭玉芬 Siau Gio̍k-hun
——————————————
予你閣假
hōo lí koh ké
你嘛假袂成
lí mā ké bē sîng
早已經完全知影你的性
tsá í-king uân-tsuân tsai-iánn lí ê sìng
夜夜佇外面
iā-iā tī guā-bīn
花甲像一尾龍
hue kah tshiūnn tsi̍t-bué lîng
翻頭對待阮
huan-thâu tuì-thāi gún
激面腔冷冰冰
kik-bīn-tshiunn líng-ping-ping
敢講是這馬當流行
kám-kóng sī tsit-má tng liû-hîng
著歹聲嗽
tio̍h pháinn-siann-sàu
才算有用
tsiah sǹg ū-īng
對你講出分手的決定
tuì lí kóng tshut hun-tshiú ê kuat-tīng
反正望也望無好光景
huán-tsìng bāng iā bāng bô hó kong-kíng
人講風流種
lâng kóng hong-liû-tsíng
臭屁攏是天生
tshàu-phuì lóng-sī thian-sing
我欲顛倒反
guá beh tian-tò-píng
欲刁工予你凝
beh thiau-kang hōo lí gîng
這款的已經無路用
tsit-khuán–ê í-king bô-lōo-īng
叫你改
kiò lí kái
彼是無可能
he sī bô-khó-lîng
阮毋是搖咧搖咧啦啦隊
gún m̄-sī iô–leh iô–leh lālāduì
也毋願隨便亂愛凊彩過
iā m̄-guān suî-piān luān ài tshìn-tshái kuè
規氣來跳規暝
kui-khì lâi thiàu kui-mê
佮音樂爽快
kah im-ga̍k sóng-khuài
管待伊明天嫁給誰
kuán-thāi–i míngtiān jià gěi shéi
阮毋是烏白奅的啦啦隊
gún m̄-sī oo-pe̍h phānn ê lālāduì
也毋願為愛失志來怨慼
iā m̄-guān uī ài sit-tsì lâi uàn-tsheh
袂合就佮伊扯
bē-ha̍h tiō kah i tshé
阮穿予媠媠
gún tshīng hōo suí-suí
臺妹
táimèi
又加我一个
iū ke guá tsi̍t-ê
