紙風吹
《紙風吹》Tsuá Hong-tshue
蕭玉芬Siau Gio̍k-hun
——————————————
紙風吹
tsuá hong-tshue
四界去飛
sì-kè khì pue
斷線了後
tn̄g suànn liáu-āu
按怎收回
án-tsuánn siu-huê
真心話
tsin-sim uē
親像煙火
tshin-tshiūnn ian-hué
聽過了後
thiann–kuè liáu-āu
才知後悔
tsiah tsai hiō-hué
以為感情會當挽回
í-uî kám-tsîng ē-tàng bán-huê
以為愛情會閣相揣
í-uî ài-tsîng ē koh sio-tshuē
以為真心會當坦白
í-uî tsin-sim ē-tàng thán-pe̍h
最後變做無路好退
tsuè-āu piàn-tsuè bô-lōo hó thè
情路冷清清
tsîng-lōo líng tshing-tshing
春天攏結冰
tshun-thinn lóng kiat-ping
無人愛的感情
bô-lâng ài ê kám-tsîng
失去了靈魂
sit-khì liáu lîng-hûn
今夜的心情
kim-iā ê sim-tsîng
雨水落袂停
hōo-tsuí lo̍h buē thîng
像阮的愛情
tshiūnn gún ê ài-tsîng
愈離愈遠
jú lî jú hn̄g
