玫瑰
《玫瑰》Muî-kuì
蕭玉芬Siau Gio̍k-hun
——————————————
風雨中的玫瑰
hong-hōo tiong ê muî-kuì
揣無春天
tshuē-bô tshun-thinn
無人愛失去芳味
bô-lâng ài sit-khì phang-bī
敢有人看著伊心內傷悲
kám ū-lâng khuànn-tio̍h i sim-lāi siong-pi
暗暗來流著珠淚
àm-àm lâi lâu tio̍h tsu-luī
踮佇繁華無你的城市
tiàm tī huân-huâ bô lí ê siânn-tshī
愛情已經消失去
ài-tsîng í-king siau-sit–khì
望啊望啊
bāng–ah bāng–ah
望無伊轉來阮身邊
bāng bô i tńg-lâi gún sin-pinn
阮是苦苦等待的玫瑰
gún sī khóo-khóo tán-thāi ê muî-kuì
雨水落啊落規暝
hōo-tsuí lo̍h–ah lo̍h kui-mî
我的心予思念包圍
guá ê sim hōo su-liām pau-uî
等無伊
tán bô i
愛無去
ài bô khì
花袂閣再開
hue buē koh-tsài khui
阮的愛到遮為止
gún ê ài kàu tsia uî-tsí
