斷了情何必再想起
《斷了情何必再想起》Tn̄g Liáu Tsîng Hô-pit Tsài Siūnn-khí
蕭一鳴Siau It-bîng
啟東Khé-tong
嚴山Giâm-san
——————————————
黃昏的異鄉港邊
hông-hun ê ī-hiong káng-pinn
日頭漸漸落海面
ji̍t-thâu tsiām-tsiām lo̍h hái-bīn
海鳥的啼哭聲音
hái-tsiáu ê thî-khàu siann-im
引阮心酸悲
ín gún sim sng-pi
想起當時初戀滋味
siūnn-khí tong-sî tshoo-luân tsu-bī
糖甘又蜜甜
thn̂g-kam iū bi̍t-tinn
已經是斷了絲
í-king sī tuān liáu si
已經是斷了情絲
í-king sī tuān liáu tsîng-si
何必再想起
hô-pit tsài siūnn-khí
淒涼的月光暗暝
tshe-liâng ê ge̍h-kng àm-mî
彈出吉他聲哀悲
tuânn tshut gì-tah siann ai-pi
為女性甘願犧牲
uī lú-sìng kam-guān hi-sing
流浪他鄉里
liû-lōng thann-hiunn-lí
我的前途
guá ê tsiân-tôo
已經無望
í-king bô-bāng
一切無趣味
it-tshè bô tshù-bī
因為我真愛你
in-uī guá tsin-ài lí
因為我真心愛你
in-uī guá tsin-sim ài lí
毋敢怨恨你
m̄-kánn uàn-hūn lí
稀微的異鄉暗暝
hi-bî ê ī-hiong àm-mî
小雨毛毛落袂離
sió-hōo mn̂g-mn̂g lo̍h buē-lī
若親像替我
ná-tshin-tshiūnn thè guá
訴出滿腹的苦味
sòo-tshut muá-pak ê khóo-bī
為著女性廢了半生
uī-tio̍h lú-sìng huì liáu puàn-sing
怨慼啥路用
uàn-tsheh siánn lōo-īng
男性的真情愛
lâm-sìng ê tsin-tsîng ài
男性的真情真愛
lâm-sìng ê tsin-tsîng tsin-ài
啥人會了解
siánn-lâng ē liáu-kái
