戀歌唱規暝
《戀歌唱規暝》Luân-kua Tshiùnn Kui-mî
蕭承祥Siau Sîng-siông
——————————————
他鄉的月光暝
thann-hiong ê gue̍h-kng-mî
滿天星美麗咧閃爍
muá-thinn tshinn bí-lē teh siám-sih
想著心愛
siūnn-tio̍h sim-ài
迷人笑容
bê-lâng tshiò-iông
一直想欲趕緊回故鄉
it-ti̍t siūnn-beh kuánn-kín huê kòo-hiong
希望今夜在夢中
hi-bāng kim-iā tsāi bāng-tiong
會當佮你來相逢
ē-tàng kah lí lâi siong-hông
滿腹相思在心中
muá-pak siunn-si tsāi sim-tiong
想欲好好對你講
siūnn-beh hó-hó tuì lí kóng
心愛的
sim-ài–ê
你敢知
lí kám tsai
我是真無奈
guá sī tsin bô-nāi
思戀的酒啉落去
su-luân ê tsiú lim–lo̍h-khì
放予醉
pàng hōo tsuì
較贏咧傷悲
khah iânn teh siong-pi
戀歌猶原來唱規暝
luân-kua iû-guân lâi tshiùnn kui-mî
