寫袂了的批
《寫袂了的批》Siá Bē Liáu ê Phue
蕭玉芬 Siau Gio̍k-hun
——————————————
真心佮你來做伙
tsin-sim kah lí lâi tsò-hué
你煞佮我覕相揣
lí suah kah guá bih-sio-tshuē
風來陪
hong lâi puê
雨來陪
hōo lâi puê
你怎忍心看會過
lí tsuánn jím-sim khuànn ē kuè
以為看開會得過
í-uî khuànn-khui ē-tit kuè
思念袂閣來相揣
su-liām buē koh lâi sio-tshuē
風嘛過
hong mā kuè
雨也過
hōo iā kuè
目屎為何猶遮濟
ba̍k-sái uī-hô iáu tsiah tsuē
我有寫袂了的批
guá ū siá buē-liáu ê phue
一張一張沉海底
tsi̍t-tiunn tsi̍t-tiunn tîm hái-té
感情已經無法度控制
kám-tsîng í-king bô-huat-tōo khòng-tsè
按怎你攏毋願回
án-tsuánn lí lóng m̄-guān huê
我有寫袂了的批
guá ū siá buē-liáu ê phue
寫阮愛你的經過
siá gún ài lí ê king-kuè
寫咱彼段山盟佮海誓
siá lán hit tuānn san-bîng kah hái-sè
寫阮這馬偌後悔
siá gún tsit-má guā hiō-hué
