多變的你
《多變的你》To-piàn ê Lí
蕭玉芬Siau Gio̍k-hun
南臺灣小姑娘Lâm-Tâi-uân Sió-koo-niû
——————————————
為愛忍氣吞聲
uī ài jím-khì thun-siann
情路坎坷難行
tsîng-lōo khám-khia̍t lân kiânn
為你奔波
uī lí phun-pho
走揣你的形影
tsáu-tshuē lí ê hîng-iánn
毋敢講予人聽
m̄-kánn kóng hōo-lâng thiann
寂寞的心情
tsi̍k-bo̍k ê sim-tsiânn
無你踮阮身邊
bô lí tiàm gún sin-pinn
哪有陣陣花芳味
ná-ū tsūn-tsūn hue phang-bī
啊~多情的城市
ah~ to-tsîng ê siânn-tshī
啊~多變的你
ah~ to-piàn ê lí
鬥陣行過的日子
tàu-tīn kiânn–kuè ê ji̍t-tsí
你敢已經放袂記
lí kám í-king pàng-buē-kì
我愛你的心
guá ài lí ê sim
無了時
bô-liáu-sî
啊~多情的城市
ah~ to-tsîng ê siânn-tshī
啊~多變的你
ah~ to-piàn ê lí
雖然絕情的風雨
sui-jiân tsua̍t-tsîng ê hong-hōo
存心佮人來做對
tsûn-sim kah lâng lâi tsuè-tuì
我決心永遠愛你
guá kuat-sim íng-uán ài lí
永遠堅持
íng-uán kian-tshî
