咒誓無效
《咒誓無效》Tsiù-tsuā Bô-hāu
蕭玉芬 Siau Gio̍k-hun
——————————————
徛佇傷心的巷仔口
khiā tī siong-sim ê hāng-á-kháu
倔強的眼淚留袂牢
ku̍t-kiông ê ba̍k-sái lâu buē tiâu
當初的山盟海誓
tong-tshoo ê san-bîng-hái-sè
無一句你做會到
bô tsi̍t-kù lí tsuè ē kàu
你用無緣做借口
lí iōng bô-iân tsuè tsioh-kháu
將阮的感情換掉
tsiong gún ê kám-tsîng uānn tiāu
將阮的愛情帶走
tsiong gún ê ài-tsîng tuà tsáu
予我傷痕攏總拭袂掉
hōo guá siong-hûn lóng-tsóng tshit buē tiāu
既然咒誓已經無效
kì-jiân tsiù-tsuā í-king bô-hāu
閣有啥物需要計較
koh ū siánn-mih su-iàu kè-kàu
山盟海誓攏無重要
san-bîng-hái-sè lóng bô tiōng-iàu
我攏已經看透透
guá lóng í-king khuànn thàu-thàu
我愛的人已經先走
guá ài ê lâng í-king sing tsáu
閣有啥物予我等候
koh ū siánn-mih hōo guá tán-hāu
上愛的人阮留袂牢
siōng ài ê lâng gún lâu buē tiâu
只留傷心兩字
tsí lâu siong-sim nn̄g-jī
擲袂掉
tàn buē tiāu
