南榕的遺言
濁水溪公社Lô-tsuí-khe Kong-siā
南榕的遺言Lâm-iông ê uî-giân
——————————————————-
一枝薰 共燒酒啉予焦
Tsi̍t ki hun, kā sio-tsiú lim hōo ta
最後閣唱一擺 舞女心聲
Tsuè-āu koh tshiùnn tsi̍t pái, bú-lú sim-siann
懷念你 彼號飄撇的形影
Huâi-liām lí, he-lō phiau-phiat ê hîng-iánn
街頭的玫瑰 叫著我
Ke-thâu ê muî-kuì, kiò tio̍h guá
石頭若有肉 敢袂痛疼
Tsio̍h-thâu nā-ū bah, kám-buē thàng-thiànn
月娘若有心 嘛會驚惶
Ge̍h-niû nā-ū sim, mā-ē kiann-hiânn
可愛家庭 啥人無某囝
Khó-ài ka-tîng, siánn-lâng bô bóo-kiánn
美麗的理想 愛有人擔
Bí-lē ê lí-sióng, ài ū lâng tann
一重一重海波浪 怨嘆攏無較縒
Tsi̍t-tîng tsi̍t-tîng hái-pho-lōng, uàn-thàn lóng bô-khah-tsua̍h
攑頭 提出氣魄向前行
Gia̍h-thâu, thê-tshut khì-phik hiòng-tsiân kiânn
想欲問你心目中 敢袂小可仔失望
Siūnn-beh mn̄g lí sim-bo̍k-tiong, kám-bē sió-khuá-á sit-bāng
多情故鄉偌濟坎坷的運命
To-tsîng kòo-hiong guā-tsē khám-khia̍tê ê ūn-miā
為啥物無人叫出咱母親的名
Uī-siánn-mi̍h bô-lâng kiò-tshut lán bú-tshin ê miâ
無惜一切 你講的話 佇心肝底
Bô-sioh it-tshè, lí kóng ê uē, tī sim-kuann té
自由的火猶原燒袂煞
Tsū-iû ê hué iû-guân sio buē suah
目屎毋通沃澹改變的火引
Ba̍k-sái m̄-thang ak-tâm kái-piàn ê hué-ín
你是天頂上光彼粒星
Lí sī thinn-tíng siōng kng hit lia̍p tshinn
照出這个時代的意志
Tsiò tshut tsit-ê sî-tāi ê ì-tsì
經過歷史的滄桑 怨嘆攏無較縒
King-kuè li̍k-sú ê tshong-song, uàn-thàn lóng bô-khah-tsua̍h
攑頭 提出氣魄向前行
Gia̍h-thâu, thê-tshut khì-phik hiòng-tsiân kiânn
想欲問你心目中 敢袂小可仔失望
Siūnn-beh mn̄g lí sim-bo̍k-tiong, kám-bē sió-khuá-á sit-bāng
多情的故鄉偌濟坎坷的運命
To-tsîng ê kòo-hiong guā-tsē khám-khia̍tê ê ūn-miā
為啥物無人叫出咱母親的名
Uī-siánn-mi̍h bô-lâng kiò-tshut lán bú-tshin ê miâ
無惜一切 你講的話 佇心肝底
Bô-sioh it-tshè, lí kóng ê uē, tī sim-kuann té
自由的火猶原燒袂煞
Tsū-iû ê hué iû-guân sio buē suah
目屎毋通沃澹改變的火引
Ba̍k-sái m̄-thang ak-tâm kái-piàn ê hué-ín
你是天頂上光彼粒星
Lí sī thinn-tíng siōng kng hit lia̍p tshinn
照出這个時代的意志
Tsiò tshut tsit-ê sî-tāi ê ì-tsì
你講的話 佮阮永遠做伙
LÍ kóng ê uē, kah gún íng-uán tsò-hué
深深的愛 繼續拍拚到底
Tshim-tshim ê ài, kè-sio̍k phah-piànn kàu-té
