阮若成家
《阮若成家》Gún Nā Sîng-ke
林喬安Lîm Kiâu-an
——————————————
青春青春遐爾短
tshing-tshun tshing-tshun hiah-nī té
予你有煩惱
hōo lí ū huân-ló
我心歹過
guá sim pháinn-kuè
陪你泡茶
puê lí phàu-tê
講心內話
kóng sim-lāi uē
看你的形影
khuànn lí ê hîng-iánn
頭鬃白
thâu-tsang pe̍h
青春青春遮爾短
tshing-tshun tshing-tshun tsiah-nī té
聽你講少年時
thiann lí kóng siàu-liân-sî
偌飄撇
guā phiau-phiat
搝我講古
giú guá kóng-kóo
兼練痟話
kiam liān-siáu-uē
陪你散步
puê lí sàn-pōo
開講講笑詼
khai-káng kóng-tshiò-khue
等一日阮若成家
tán tsi̍t-ji̍t gún nā sîng-ke
牽伊的手變做夫妻
khan i ê tshiú piàn-tsuè hu-tshe
也會毋甘放你一个
iā ē m̄-kam pàng lí tsi̍t-ê
阮是你心疼的寶貝
gún sī lí sim thiànn ê pó-puè
囝兒像一隻風吹
kiánn-jî tshiūnn tsi̍t-tsiah hong-tshue
思念會牽纏佇心底
su-liām ē khan-tînn tī sim-té
阮是你心疼的寶貝
gún sī lí sim thiànn ê pó-puè
—
恩情無計較收回
un-tsîng bô kè-kàu siu-huê
這一路你用愛栽培
tse tsi̍t-lōo lí iōng ài tsai-puê
看你將阮的手
khuànn lí tsiong gún ê tshiú
牽予另外一个
khan hōo līng-guā tsi̍t-ê
忍著目屎講的話
jím tio̍h ba̍k-sái kóng ê uē
我永遠記咧
guá íng-uán kì–leh
這一日阮欲出嫁
tse tsi̍t-ji̍t gún beh tshut-kè
牽伊的手變做夫妻
khan i ê tshiú piàn-tsuè hu-tshe
猶原毋甘放你一个
iu-guân m̄-kam pàng lí tsi̍t-ê
阮是你心疼的寶貝
gún sī lí sim thiànn ê pó-puè
無論阮會飛去佗
bô-lūn gún ē pue khì tueh
思念會牽纏佇心底
su-liām ē khan-tînn tī sim-té
永遠會記著你
íng-uán ē-kì-tio̍h lí
對我講過
tuì guá kóng–kuè
阮是你心疼的寶貝
gún sī lí sim thiànn ê pó-puè
離開的背影
lī-khui ê puē-iánn
頭鬃白
thâu-tsang pe̍h
煩惱著你的身體
huân-ló tio̍h lí ê sin-thé
