妹妹毋好哭
《妹妹毋好哭》Mé-meh M̄-hó Khàu
李雅芳Lí Ngá-hong
——————————————
悽冷風對面吹來
tshi-líng hong tuì bīn tshue–lâi
引阮透心寒
ín gún thàu-sim kuânn
今仔日又是空過一日
kia̋nn-ji̍t iū sī khang kè tsi̍t-ji̍t
來送日頭欲落山
lâi sàng ji̍t-thâu beh lo̍h-suann
小妹啊~你毋通吼
sió-muē–ah~ lí m̄-thang háu
身邊阿姊咧做伴
sin-pinn a-tsí teh tsuè-phuānn
你我總愛
lí guá tsóng ài
暫時忍耐流浪的生活
tsiām-sî jím-nāi liû-lōng ê sing-ua̍h
媽媽來離開故鄉
má-mah lâi lī-khui kòo-hiong
已經是一年
í-king sī tsi̍t-nî
雙人漂浪海角天邊
siang-lâng phiau-lōng hái-kak thinn-pinn
也是為著欲揣伊
iā-sī uī-tio̍h beh tshē i
媽媽啊~你踮佗位
má-mah–ah~ lí tiàm tó-uī
怎樣離開阮身邊
tsuánn-iūnn lī-khui gún sin-pinn
你敢毋知
lí kám m̄-tsai
姊妹為你
tsí-bē uī lí
暝日心傷悲
mî-ji̍t sim siong-pi
繁華的臺北街路
huân-huâ ê Tâi-pak kue-lōo
閃爍青紅燈
siám-sih tshinn-âng-ting
雖然對咱有心安慰
sui-jiân tuì lán ū-sim an-uì
偏偏霜風冷冰冰
phian-phian sng-hong líng-ping-ping
小妹啊~你毋通吼
sió-muē–ah~ lí m̄-thang háu
命來安排咱不幸
miā lâi an-pâi lán put-hīng
這个世界
tsit ê sè-kài
只有媽媽
tsí-ū má-mah
了解咱悲情
liáu-kái lán pi-tsîng
