天星伴阮過長暝
《天星伴阮過長暝》Thinn-tshinn Phuānn Gún Kuè Tn̂g-mî
吳進興Ngôo Tsìn-hing
——————————————
日頭落山天漸暗
ji̍t-thâu lo̍h-suann thinn tsiām àm
引人來心怨嘆
ín lâng lâi sim uàn-thàn
為欲來揣伊一人
uī bueh lâi tshuē i tsi̍t-lâng
變成著流浪漢
piàn-sîng tio̍h liû-lōng-hàn
若可比一隻孤雁
ná-khó-pí tsi̍t-tsiah koo-gān
為著愛情心茫茫
uī-tio̍h ài-tsîng sim bâng-bâng
真情毋願放
tsin-tsîng m̄-guān pàng
今夜的閃爍天星
kim-iā ê siám-sih thinn-tshinn
又來伴阮過長暝
iū lâi phuānn gún kuè tn̂g-mî
期待你我再相見
kî-thāi lí guá tsài sann-kìnn
回復甜蜜好情意
huê-ho̍k tinn-bi̍t hó tsîng-ì
記念的破舊吉他
kì-liām ê phuà-kū gì-tah
猶原來掛胸前
iu-guân lâi kuà hing-tsîng
叮叮噹噹彈袂停
tin-tin-tang-tang tuânn buē-thîng
啥人知阮心凝
siánn-lâng tsai gún sim gîng
為愛情枉費半生
uī ài-tsîng óng-huì puànn-sing
為伊來耽誤前程
uī i lâi tam-gōo tsiân-tîng
怎樣袂分明
tsuánn-iūnn buē hun-bîng
今夜的閃爍天星
kim-iā ê siám-sih thinn-tshinn
又來伴阮過長暝
iū lâi phuānn gún kuè tn̂g-mî
忍耐著心情稀微
jím-nāi tio̍h sim-tsîng hi-bî
天邊海角走揣你
thinn-pinn hái-kak tsáu-tshuē lí
又是異鄉城市
iū sī ī-hiong siânn-tshī
天星也替阮悲
thinn-tshinn iā thè gún pi
為情為義為著你
uī tsîng uī gī uī-tio̍h lí
情份也斷袂離
tsîng-hūn iā tuān buē-lī
今夜的吉他聲音
kim-iā ê gì-tah siann-im
予阮愈彈心愈悶
hōo gún jú tuânn sim jú būn
珠淚澹手巾
tsu-luī tâm tshiú-kun
今夜的閃爍天星
kim-iā ê siám-sih thinn-tshinn
又來伴阮過長暝
iū lâi phuānn gún kuè tn̂g-mî
心愛的你在哪裡
sim-ài–ê lí tsāi ná-lí
希望早日來團圓
hi-bāng tsá-ji̍t lâi thuân-înn
