來去啉燒酒
《來去啉燒酒》Lâi-khì Lim Sio-tsiú
林清國Lîm Tshing-kok
袁小迪Uân Sió-ti̍k
林俊彥Lîm Tsùn-gān
——————————————
朋友兄弟
pîng-iú hiann-tī
做陣來啊
tsuè-tīn lâi–ah
做陣來去啉燒酒
tsuè-tīn lâi-khì lim sio-tsiú
無論你
bô-lūn lí
心內有啥代
sim-lāi ū siánn tāi
啉落一杯
lim lo̍h tsi̍t-pue
講出來
kóng–tshut-lâi
每日拍拚為將來
muí-ji̍t phah-piànn uī tsiong-lâi
心內鬱卒無人知
sim-lāi ut-tsut bô-lâng tsai
燒酒一杯來
sio-tsiú tsi̍t-pue lâi
吞落腹內
thun lo̍h pak-lāi
朋友兄弟來排解
pîng-iú hiann-tī lâi pâi-kái
雖然世界亂亂啋啊
sui-jiân sè-kài luān-luān-tshai–ah
老神在在做咱來
lāu-sîn tsāi-tsāi tsuè lán lâi
管伊小丑仔做啥代
kuán i siáu-thiú-á tsuè siánn tāi
咱有燒酒上囂俳
lán ū sio-tsiú siōng hiau-pai
朋友兄弟免悲哀
pîng-iú hiann-tī bián pi-ai
社會無情你嘛知
siā-huē bô-tsîng lí mā tsai
燒酒一杯來
sio-tsiú tsi̍t-pue lâi
吞落腹內
thun lo̍h pak-lāi
祝咱盈暗醉三擺
tsiok lán îng-àm tsuì sann-pái
