愛情的滋味
《愛情的滋味》Ài-tsîng ê Tsu-bī
文夏Bûn-hā
——————————————
昨暝相逢在夢裡
tsa-mî siong-hông tsāi bāng–lí
我袂記對你講我想你
guá bē-kì tuì lí kóng guá siūnn lí
將我熱情
tsiong guá jia̍t-tsîng
崁在心肝內
khàm tsāi sim-kuann-lāi
恬恬倚在你胸裡
tiām-tiām uá tsāi lí hing–lí
我佮你一見鍾情
guá kah lí it-kiàn tsiong-tsîng
約束永遠做情侶
iok-sok íng-uán tsò tsîng-lī
這到底是夢是真
tse tàu-té sī bāng sī tsin
假使若夢
khá-sú-nā bāng
毋通醒
m̄-thang tshínn
愛情實在予人快樂
ài-tsîng si̍t-tsāi hōo-lâng khuài-lo̍k
也會予人心酸滋味
iā ē hōo-lâng sim-sng tsu-bī
昨暝相逢在夢裡
tsa-mî siong-hông tsāi bāng–lí
我袂記對你講我愛你
guá bē-kì tuì lí kóng guá ài lí
將我熱情
tsiong guá jia̍t-tsîng
留在夢中內
lâu tsāi bāng-tiong lāi
恬恬看你的笑容
tiām-tiām khuànn lí ê tshiò-iông
我驚你放我孤單
guá kiann lí pàng guá koo-tuann
做你一个他鄉去
tsò lí tsi̍t-ê thann-hiong khì
予我若醒來的時
hōo guá nā tshínn–lâi ê sî
看你無在我身邊
khuànn lí bô tsāi guá sin-pinn
愛情實在予人快樂
ài-tsîng si̍t-tsāi hōo-lâng khuài-lo̍k
也會予人心酸滋味
iā ē hōo-lâng sim-sng tsu-bī
昨暝分手在夢裡
tsa-mî hun-tshiú tsāi bāng–lī
我袂記對你講著再會
guá bē-kì tuì lí kóng-tio̍h tsài-huē
你有對我
lí ū tuì guá
輕輕唚一下
khin-khin tsim–tsi̍t-ē
予我一時流珠淚
hōo guá tsi̍t-sî lâu tsu-luī
我的愛
guá ê ài
毋知何時
m̄-tsai hô-sî
才會照我的心願
tsiah-ē tsiàu guá ê sim-guān
夢若醒
bāng nā tshínn
猶原一个
iu-guân tsi̍t-ê
只有等你會轉來
tsí-ū tán lí ē tńg–lâi
愛情實在予人快樂
ài-tsîng si̍t-tsāi hōo-lâng khuài-lo̍k
也會予人心酸滋味
iā ē hōo-lâng sim-sng tsu-bī
