管伊路歹行
《管伊路歹行》Kuán I Lōo Pháinn-kiânn
于櫻櫻Î Ing-ing
——————————————
這行飯歹食
tsit hâng pn̄g pháinn-tsia̍h
這條路歹行
tsit tiâu lōo pháinn-kiânn
誰叫阮生做遮歹命
siáng kiò gún sinn-tsò tsia pháinn-miā
為生活
uī sing-ua̍h
親像拚性命
tshin-tshiūnn piànn-sìnn-miā
看表面阮是好命
khuànn piáu-bīn gún sī hó-miā
啥人知阮
siánn-lâng tsai gún
是遮歹命
sī tsiah pháinn-miā
一切是命運註定
it-tshè sī miā-ūn tsù-tiānn
管伊去路歹行
kuán i khì lōo pháinn-kiânn
毋管飯歹食
m̄-kuán pn̄g pháinn-tsia̍h
毋管路歹行
m̄-kuán lōo pháinn-kiânn
管伊去
kuán i khì
好命抑歹命
hó-miā ia̍h pháinn-miā
為生活
uī sing-ua̍h
甘願拚性命
kam-guān piànn-sìnn-miā
看表面阮是好命
khuànn piáu-bīn gún sī hó-miā
啥人知阮是遮歹命
siánn-lâng tsai gún sī tsiah pháinn-miā
一切是命運註定
it-tshè sī miā-ūn tsù-tiānn
管伊去路歹行
kuán i khì lōo pháinn-kiânn
