盲女出頭天
《盲女出頭天》Bông-lú Tshut-thâu-thinn
尤菁Iû Tsing(江蕾Kang Luí)
——————————————
↓↓(口白)—(口白)↓↓
各位聽友
kok-uī thiann-iú
當我雙眼失明
tong guá siang-gán sit-bîng
流浪在街路邊的彼个時候
liû-lōng tsāi ke-lōo-pinn ê hit ê sî-hōo
我真幸運
guá tsin hīng-ūn
受五虎唱片公司的
siū Ngóo-hóo Tshiùnn-phìnn Kong-si ê
吳景中先生來解救
Gôo Kíng-tiong sian-sinn lâi kái-kiù
並發現
pīng huat-hiān
我有唱歌的天才
guá ū tshiùnn-kua ê thian-tsâi
即時?我
tsik-sî tshuā guá
去治療我的目睭
khì tī-liâu guá ê ba̍k-tsiu
我現在
guá hiān-tsāi
已經重新
í-king tiông-sin
看著世界的一切囉
khuànn-tio̍h sè-kài ê it-tshè–looh
↑↑(口白)—(口白)↑↑
早日流浪街路邊
tsá-ji̍t liû-lōng kue-lōo-pinn
揣無阮阿姊
tshē-bô gún a-tsí
受風受雨受枵饑
siū hong siū hōo siū iau-ki
目屎流落點點滴
ba̍k-sái lâu–lo̍h tiám-tiám tih
佳哉貴人來看見
ka-tsài kuì-jîn lâi khuànn–kìnn
?我求醫揣先生
tshuā guá kiû i tshē sian-sinn
會通目金免青盲
ē-thang ba̍k kim bián tshinn-mî
目金免青盲
ba̍k kim bián tshinn-mî
↓↓(口白)—(口白)↓↓
我的唱歌天才
guá ê tshiùnn-kua thian-tsâi
經過吳先生一再訓練
king-kuè Gôo–sian-sinn it-tsài hùn-liān
並將我的不幸經過
pīng tsiong guá ê put-hīng king-kè
一一製成歌詞
it-it tsè-sîng kua-sû
由本省名作曲家
iû pún-síng bîng tsok-khik-ka
黃國隆先生作曲
N̂g Kok-liông sian-sinn tsok-khik
盲女悲歌
bông-lú pi-kua
果然我的身世
kó-jiân guá ê sin-sè
深受社會
tshim siū siā-huē
以及各位歌友姊妹的同情
í-ki̍p kok-uī kua-iú tsí-bē ê tông-tsîng
予我運命上的一大改革
hōo guá ūn-miā siōng ê it tāi kái-kik
啊!我感激的目屎
ah! guá kám-kik ê ba̍k-sái
強欲忍袂住囉
kiōng-beh jím bē-tsū–looh
↑↑(口白)—(口白)↑↑
烏色目睭有人緣
oo-sik ba̍k-tsiu ū-lâng-iân
天才又出現
thian-tsâi iū tshut-hiān
唸歌唱曲每日練
liām-kua tshiùnn-khik muí-ji̍t liān
悲慘身世就改變
pi-tshám sin-sè tsiū kái-piàn
一塊悲歌上可憐
tsi̍t-tè pi-kua siōng khó-lîn
予人目屎翱翱輾
hōo-lâng ba̍k-sái kō-kō-lìn
悲慘運命就改篇
pi-tshám ūn-miā tsiū kái-phian
運命就改篇
ūn-miā tsiū kái-phian
↓↓(口白)—(口白)↓↓
世間的溫暖
sè-kan ê un-luán
予我這个
hōo guá tsit-ê
歹命的查某囡仔
pháinn-miā ê tsa-bóo-gín-á
真是想袂到
tsin sī siūnn bē-kàu
我的悲慘烏暗的日子
guá ê pi-tshám oo-àm ê ji̍t-tsí
已經是成為過去
í-king sī sîng-uî kè-khì
我愛感謝社會人人
guá ài kám-siā siā-huē lâng-lâng
我欲大大來為社會服務
guá beh tuā-tuā lâi uī siā-huē ho̍k-bū
我的一生
guá it-sing
實在真有意義啦
si̍t-tsāi tsin ū ì-gī–lah
↑↑(口白)—(口白)↑↑
世間溫暖人情味
sè-kan un-luán jîn-tsîng-bī
一生永會記
it-sing íng ē-kì
今日成名做歌星
kim-ji̍t sîng-bîng tsuè kua-tshinn
生活安定過日子
sing-ua̍h an-tīng kè ji̍t-tsí
心肝阿姊若聽見
sim-kuann a-tsí nā thiann-kìnn
趕緊轉來阮身邊
kuánn-kín tńg-lâi gún sin-pinn
青盲少女出頭天
tshinn-mî siàu-lú tshut-thâu-thinn
少女出頭天
siàu-lú tshut-thâu-thinn
