港邊黃昏時
《港邊黃昏時》Káng-pinn Hông-hun-sî
鄭麗玲Tēnn Lē-lîng
——————————————
碼頭的黃昏時
bé-thâu ê hông-hun sî
港水紅濫青
káng-tsuí âng lām tshinn
遠遠的船路煙霧
hn̄g-hn̄g ê tsûn-lōo ian-bū
順風鬥人意
sūn-hong tàu lâng ì
自一直一直等待
tsū it-tit it-ti̍t tán-thāi
已經是半年
í-king sī puànn-nî
為怎樣無批無信
uī tsuánn-iūnn bô phue bô sìn
害阮心稀微
hāi gún sim hi-bî
心愛的行船阿哥
sim-ài ê kiânn-tsûn a-ko
你實在無趣味
lí si̍t-tsāi bô tshù-bī
有一對可愛的
ū tsi̍t-tuì khó-ài ê
海鳥飛過來
hái-tsiáu pe–kè-lâi
引起阮思念當時
ín-khí gún su-liām tang-sî
雙人在船內
siang-lâng tsāi tsûn-lāi
來對阮講著情話
lâi tuì gún kóng-tio̍h tsîng-uē
滿面笑咍咍
muá-bīn tshiò-hai-hai
為怎樣約束的話
uī tsuánn-iūnn iok-sok ê uē
全無照實在
tsuân bô tsiàu si̍t-tsāi
心愛的行船阿哥
sim-ài ê kiânn-tsûn a-ko
到底是為啥代
tàu-tué sī uī siánn tāi
㧎船的聲吱吱
khê tsûn ê siann ki-ki
引阮心茫茫
ín gún sim bâng-bâng
港邊的無情海風
káng-pinn ê bô-tsîng hái-hong
吹走阮希望
tshe-tsáu gún hi-bāng
盈暗的港燈當開
îng-àm ê káng-ting tng khui
閃爍青紅
siám-sih tshinn-âng
為怎樣行開半年
uī tsuánn-iūnn kiânn khui puànn-nî
心頭袂輕鬆
sim-thâu buē khin-sang
心愛的行船阿哥
sim-ài ê kiânn-tsûn a-ko
阮思念你一人
gún su-liām lí tsi̍t-lâng
