愛情的圈套
《愛情的圈套》Ài-tsîng ê Khuan-thò
于櫻櫻Î Ing-ing
——————————————
三年前你對我
sann-nî tsîng lí tuì guá
感情哪會冷冰冰
kám-tsîng ná ē líng-ping-ping
才知你對阮假真情
tsiah tsai lí tuì gún ké tsin-tsîng
戇話講規擔
gōng-uē kóng kui-tànn
無路用
bô-lōo-īng
你講出花言巧語
lí kóng-tshut hua-giân khá-gí
想著心肝愈凝
siūnn-tio̍h sim-kuann jú gîng
不應該對你痴情
put-ing-kai tuì lí tshi-tsîng
啊!我哪遮爾戇啦
ah! guá ná tsiah-nī gōng–lah
偏偏搪著圈套的愛情
phian-phian tn̄g-tio̍h khuan-thò ê ài-tsîng
三年前你對我
sann-nî tsîng lí tuì guá
完全攏是假真情
uân-tsuân lóng-sī ké tsin-tsîng
今日你僥心
kim-ji̍t lí hiau-sim
我僥倖
guá hiau-hīng
戇話講規擔
gōng-uē kóng kui-tànn
無路用
bô-lōo-īng
你講出千言萬語
lí kóng-tshut tshian-giân bān-gí
也無一句正經
iā bô tsi̍t-kù tsìng-king
不應該對你痴情
put-ing-kai tuì lí tshi-tsîng
啊~我哪遮爾戇啦
ah~ guá ná tsiah-nī gōng–lah
偏偏搪著圈套的愛情
phian-phian tn̄g-tio̍h khuan-thò ê ài-tsîng
