風中玫瑰
《風中玫瑰》Hong-tiong Muî-kuì
鄭君威Tēnn Kun-ui
——————————————
你是風中的玫瑰
lí sī hong-tiong ê muî-kuì
為你痴迷閣心碎
uī lí tshi-bê koh sim tshuì
我踮你的身軀邊
guá tiàm lí ê sin-khu-pinn
留戀你的芳水味
liû-luân lí ê phang-tsuí bī
你是風中的玫瑰
lí sī hong-tiong ê muî-kuì
無人知影你名字
bô-lâng tsai-iánn lí miâ-jī
疼惜你的心傷悲
thiànn-sioh lí ê sim siong-pi
毋通當做我酒醉
m̄-thang tòng-tsuè guá tsiú-tsuì
若是無來拄著你
nā-sī bô lâi tú-tio̍h lí
為何咱會愛分開
uī-hô lán ē ài hun-khui
時間變成一滴水
sî-kan piàn-sîng tsi̍t-tih tsuí
緣份變成冷空氣
iân-hūn piàn-sîng líng khong-khì
啊~風中的玫瑰
ah~ hong-tiong ê muî-kuì
啊~你欲飛對佗去
ah~ lí beh pue tuì toh khì
