船上的男兒
《船上的男兒》Tsûn-siōng ê Lâm-jî
鄭日清Tēnn Ji̍t-tshing
——————————————
月色青青
ge̍h-sik tshinn-tshinn
看著船燈搖來搖去
khuànn-tio̍h tsûn-ting iô-lâi-iô-khì
海風淒冷
hái-hong tshe-líng
吹著阮無聊的三更
tshue tio̍h gún bô-liâu ê sann-kinn
一旦來離開港都
it-tàn lâi lī-khui káng-too
就是靠意志
tsiū-sī khò ì-tsì
迎著波浪拄風勢
ngiâ tio̍h pho-lōng tú hong-sè
來唱歌詩
lâi tshiùnn kua-si
做男兒
tsuè lâm-jî
無必要心內感稀微
bô-pit-iàu sim-lāi kám hi-bî
看著天星
khuànn-tio̍h thinn-tshinn
踮在天邊含情帶意
tiàm-tsāi thinn-pinn hâm-tsîng tài-ì
引人一時想起著
ín lâng tsi̍t-sî siūnn-khí tio̍h
意中的女兒
ì-tiòng ê lú-jî
離開伊已經千里
lī-khui i í-king tshian-lí
猶原心綿綿
iu-guân sim mî-mî
盈暗最好在船內
îng-àm tsuè hó tsāi tsûn-lāi
夢中相見
bāng-tiong sann-kìnn
也好來安慰著
iā-hó lâi an-uì tio̍h
心內酸苦味
sim-lāi sng-khóo-bī
海鳥叫啼
hái-tsiáu kiò-thî
一隻一隻飛來船邊
tsi̍t-tsiah-tsi̍t-tsiah per lâi tsûn-pinn
親像欲來
tshin-tshiūnn beh lâi
加添阮滿腹心空虛
ka-thiam gún muá-pak sim khang-hi
天清清萬里無雲
thinn tshing-tshing bān-lí bô hûn
解我心內悲
kái guá sim-lāi pi
踮在船頂向著天
tiàm-tsāi tsûn-tíng hiòng tio̍h thinn
叫你名字
kiò lí miâ-jī
請原諒我
tshiánn guân-liōng guá
總是船上的男兒
tsóng-sī tsûn siōng ê lâm-jî
