等待一世人
《等待一世人》Tán-thāi Tsi̍t-sì-lâng
鄭智化Tēnn Tì-huà
—————————————-
窗仔門無開 街仔路無人
thang-á-mn̂g bô khui, ke-á-lōo bô-lâng
彼个人無來 心肝頭袂開
hit-ê lâng bô lâi, sim-kuann-thâu bē khui
我的心無變 等待一世人
guá ê sim bô piàn, tán-thāi tsi̍t-sì-lâng
一世人無娶 等待一个人
tsi̍t-sì-lâng bô tshuā, tán-thāi tsi̍t-ê lâng
一杯燒酒啉落喉
tsi̍t pue sio-tsiú lim lo̍h-âu
目箍紅紅想欲哭
ba̍k-khoo âng-âng siūnn-beh khàu
彼束頭鬃囥佇咧床頭
hit sok thâu-tsang khǹg tī-leh tshn̂g-thâu
對少年等甲老
tuì siàu-liân tán kah lāu
難忘的形影 世間的變化
lân-bōng ê hîng-iánn, sè-kan ê piàn-huà
愛情、親情、人情、友情摻摻鬥陣
ài-tsîng, tshin-tsîng, jîn-tsîng, iú-tsîng tsham tsham tàu-tīn
到底來對伊 是天來註定
tàu-té lâi tuì i, sī thinn lâi tsù-tīng
敢是我想袂開 抑是我太痴情
kám-sī guá siūnn bē khui, ia̍h-sī guá thài tshi-tsîng
抑是我太痴情
ia̍h-sī guá thài tshi-tsîng
