無意無思啦
《無意無思啦》Bô-ì-bô-sù–lah
鄭進一 Tēnn Tsìn-it
——————————————
莫問我的感覺
mài mn̄g guá ê kám-kak
無意無思啦
bô-ì-bô-sù–lah
聽人講我的愛人
thiann lâng kóng guá ê ài-jîn
去煞著別人的頂八卦
khì sannh-tio̍h pa̍t-lâng ê tíng pat-kuà
喔~我的心肝啊
ooh~ guá ê sim-kuann–ah
一陣一陣幽幽仔疼
tsi̍t-tsūn-tsi̍t-tsūn iu-iu-á thiànn
喔~我的靈魂啊
ooh~ guá ê lîng-hûn–ah
已經去一半
í-king khì tsi̍t-puànn
莫講遐的五四三
mài-kóng hia-ê gōo-sì-sann
無意無思啦
bô-ì-bô-sù–lah
想袂到我的愛人
siūnn bē kàu guá ê ài-jîn
講決定欲佮我
kóng kuat-tīng beh kah guá
莎喲娜啦
sa-iooh-ná-lah
喔~我的身軀啊
ooh~ guá ê sin-khu–ah
一陣一陣溫溫仔麻
tsi̍t-tsūn-tsi̍t-tsūn un-un-á bâ
喔~我的人生啊
ooh~ guá ê jîn-sing–ah
無意無思啦
bô-ì-bô-sù–lah
喔~無良心的你
ooh~ bô-liông-sim ê lí
喔~無辜的我
ooh~ bû-koo ê guá
喔~無意思的你
ooh~ bô ì-sù ê lí
喔~聽二五的我
ooh~ thiann jī-ngóo ê guá
