江湖
《江湖》Kang-ôo
鄭君威Tēnn Kun-ui
——————————————
天欲落雨
thinn beh lo̍h-hōo
無人有法度
bô-lâng ū huat-tōo
我欲行的路
guá beh kiânn ê lōo
無人會當來阻擋
bô-lâng ē-tàng lâi tsóo-tòng
我用一份的勇氣
guá iōng tsi̍t-hūn ê ióng-khì
加上一份的驕傲
ka-siōng tsi̍t-hūn ê kiau-ngōo
勇敢拚出家己一條路
ióng-kám piànn tshut ka-tī tsi̍t-tiâu lōo
毋管天色偌爾烏
m̄-kuán thinn-sik guā-nī oo
毋驚石頭來擋路
m̄-kiann tsio̍h-thâu lâi tòng lōo
撨好上媠的角度
tshiâu hó siōng suí ê kak-tōo
踏出勝利的第一步
ta̍h-tshut sìng-lī ê tē-it pōo
毋驚透風
m̄-kiann thàu-hong
毋驚沃雨
m̄-kiann ak-hōo
毋管頭前有偌恐怖
m̄-kuán thâu-tsîng ū guā khióng-pòo
踏著上在的跤步
ta̍h-tio̍h siōng tsāi ê kha-pōo
像猛虎欲衝出江湖
tshiūnn bíng-hóo beh tshiong tshut kang-ôo
莫擋路
mài tòng-lōo
