心酸酸
《心酸酸》Sim Sng-sng
鄭君威Tēnn Kun-ui
——————————————
是我飄浪的個性
sī guá phiau-lōng ê kò-sìng
違背咱兩人的約定
uî-puē lán nn̄g-lâng ê iok-tīng
是我放蕩的靈魂
sī guá hòng-tōng ê lîng-hûn
害咱感情帶傷痕
hāi lán kám-tsîng tài siong-hûn
袂當回頭的絕情
buē-tàng huê-thâu ê tsua̍t-tsîng
是我心疼的決定
sī guá sim thiànn ê kuat-tīng
掩崁袂牢的傷心
am-khàm buē tiâu ê siong-sim
留佇最後的彼个唚
lâu tī tsuè-āu ê hit ê tsim
若是想你的時陣
nā-sī siūnn lí ê sî-tsūn
心會酸酸
sim ē sng-sng
心會冷冷
sim ē líng-líng
心會疼袂停
sim ē thiànn buē thîng
若是想你的時陣
nā-sī siūnn lí ê sî-tsūn
月娘光光
ge̍h-niû kng-kng
看阮傷心
khuànn gún siong-sim
看阮咧想伊的心情
khuànn gún teh siūnn i ê sim-tsîng
