一張批
《一張批》Tsi̍t-tiunn Phue
鄭智化Tēnn Tì-huà
—————————————-
一張批欲寄予你
tsi̍t tiunn phue beh kià hōo-lí
一張批寫甲規半暝
tsi̍t tiunn phue siá kah kui puànn-mê
明知你已經來嫁予伊
bîng-tsai lí í-king lâi kè hōo i
偏偏我永遠愛著你
phian-phian guá íng-uán ài-tio̍h lí
一改閣一改
tsi̍t kái koh tsi̍t kái
一字閣又一字
tsi̍t jī koh iū tsi̍t jī
薰一支閣一支
hun tsi̍t ki koh tsi̍t ki
今世無緣份 何必再提起
kim-sè bô iân-hūn, hô-pit tsài thê-khí
啊~目屎落袂離
ah~ ba̍k-sái lo̍h buē lī
親像是一場夢
tshin-tshiūnn sī tsi̍t tiûnn bāng
較想嘛得袂著你
khah siūnn mā tit buē tio̍h lí
一張批無名無字
tsi̍t tiunn phue bô miâ bô jī
一張批嘛無寫住址
tsi̍t tiunn phue mā bô siá tsū-tsí
我的心親像是落雨暝
guá ê sim tshin-tshiūnn sī lo̍h-hōo mî
你的情袂當放袂記
lí ê tsîng buē-tàng pàng buē-kì
一工閣一工
tsi̍t kang koh tsi̍t kang
一暝閣一暝
tsi̍t mî koh tsi̍t mî
月一更閣一更
gue̍h tsi̍t kinn koh tsi̍t kinn
心頭怨慼當初無表示
sim-thâu uàn-tsheh, tong-tshoo bô piáu-sī
啊~目屎落袂離
ah~ ba̍k-sái lo̍h buē lī
親像是一場夢
tshin-tshiūnn sī tsi̍t tiûnn bāng
較想嘛得袂著你
khah siūnn mā tit buē tio̍h lí
