一个人較快活
《一个人較快活》Tsi̍t-ê Lâng khah Khuìnn-ua̍h
鄭智化Tēnn Tì-huà
—————————————-
毋通來笑我生性放蕩
m̄-thang lâi tshiò guá senn-sìng hòng-tōng
阮是註定愛流浪
gún sī tsù-tiānn ài liû-lōng
毋通來笑我做事衝碰
m̄-thang lâi tshiò guá tsuè-sū tshóng-pōng
白賊的話我袂曉講
pe̍h-tsha̍t ê uē guá buē-hiáu kóng
哪想欲爽快提性命來換
ná siūnn-beh sóng-khuài the̍h sènn-miā lâi uānn
敢是浪子的心聲
kám-sī lōng-tsú ê sim-siann
虛情佮假愛 騙人毋知
hi-tsîng kah ké-ài, phiàn-lâng m̄-tsai
敢是夢醒矣 才了解
kám-sī bāng tshénn–ah, tsiah liáu-kái
謼嘿謼嘿嘿 唱出心內的歌
hooh heh hooh heh heh, tshiùnn-tshut sim-lāi ê kua
毋管別人按怎來看我
m̄-kuán pa̍t-lâng án-tsuánn lâi khuànn guá
毋管世事按怎來變化
m̄-kuán sè-sū án-tsuánn lâi piàn-huà
謼嘿謼嘿嘿 燒酒一擺予焦
hooh heh hooh heh heh, sio-tsiú tsi̍t pái hōo ta
猶是一个人較快活
iáu-sī tsi̍t-ê lâng khah khuìnn-ua̍h
我毋是你講的彼款鱸鰻
guá m̄-sī lí kóng ê hit khuán lôo-muâ
阮是天生歹命囝
gún sī thian-sing pháinn-miā-kiánn
雖然嘛希望有人做伴
sui-jiân mā hi-bāng ū-lâng tsuè-phuānn
毋願你為我受拖磨
m̄-guān lí uī guá siū thua-buâ
無情的世界 我的未來
bô-tsîng ê sè-kài, guá ê bī-lâi
無論風雨嘛著行
bô-lūn hong-hōo mā tio̍h kiânn
勉強的笑容 我的無奈
bián-kióng ê tshiò-iông, guá ê bô-nāi
目屎吞落腹肚內
ba̍k-sái thun lo̍h pak-tóo-lāi
