?路雞
《?路雞》Tshuā-lōo-ke
鄧詠家Tīng Īng-ka
——————————————
牽著新婚三日的翁婿
khan-tio̍h sin-hun sann-ji̍t ê ang-sài
做陣欲轉阮外家來
tsuè-tīn beh tńg gún guā-ke lâi
明明是阮上親的所在
bîng-bîng sī gún siōng tshin ê sóo-tsāi
看起來也淡薄無熟似
khuànn–khí-lâi iā tām-po̍h bô si̍k-sāi
阿爸招阮坐落來啉茶
a-pah tsio gún tsē lo̍h-lâi lim tê
我哪感覺親像是人客
guá ná kám-kak tshin-tshiūnn sī lâng-kheh
阿母送阮一對?路雞
a-bú sàng gún tsi̍t-tuì tshuā-lōo-ke
吩咐較捷轉來坐
huan-hù khah tsia̍p tńg-lâi tsē
?路雞
tshuā-lōo-ke
你敢會當了解阮心意
lí kám ē-tàng liáu-kái gún sim-ì
欲轉來阮厝
bueh tńg-lâi gún tshù
為何著來靠著你
uī-hô tio̍h lâi khò-tio̍h lí
阿爸阿母
a-pah a-bú
恁疼我遮濟年
lín thiànn guá tsiah tsuē nî
這款親情
tsit khuán tshin-tsîng
啥人會當比
siánn-lâng ē-tàng pí
原來講
guân-lâi kóng
猶原蹛佇仝一个城市
iu-guân tuà tī kāng tsi̍t-ê siânn-tshī
誰知影
siáng tsai-iánn
感覺親像分開千萬里
kám-kak tshin-tshiūnn hun-khui tshian-bān lí
冷風吹烏暗無聊的暗暝
líng-hong tshue oo-àm bô-liâu ê àm-mî
誰來佮恁陪伴在身邊
siáng lâi kah lín puê-phuānn tsāi sin-pinn
手捀著?路雞
tshiú phâng tio̍h tshuā-lōo-ke
毋願踏出去
m̄-guān ta̍h tshut-khì
