高雄港的相思
《高雄港的相思》Ko-hiông-káng ê Siunn-si
鄧詠家Tīng Īng-ka
——————————————
徛踮高雄港邊
khiā tiàm Ko-hiông-káng pinn
看著心愛的船
khuànn-tio̍h sim-ài ê tsûn
欲離開
beh lī-khui
船螺
tsûn-lê
一聲一聲大聲霆
tsi̍t-siann-tsi̍t-siann tuā-siann tân
引起我心頭亂
ín-khí guá sim-thâu luān
因為船隻一出去
in-uī tsûn-tsiah tsi̍t tshut–khì
就一年抑兩年
tiō tsi̍t-nî ia̍h nn̄g-nî
徘徊在壽山
pâi-huê tsāi Siū-san
將相思傳送予你
tsiong siunn-si thuân-sàng hōo lí
想起咱熱戀時
siūnn-khí lán jia̍t-luân sî
牽手散步愛河邊
khan-tshiú sàn-pōo Ài-hô pinn
講出一聲一聲我愛你
kóng-tshut tsi̍t-siann-tsi̍t-siann guá ài lí
猶原是遐纏綿
iu-guân sī hiah tînn-mî
拆著一張一張日誌
thiah tio̍h tsi̍t-tiunn tsi̍t-tiunn ji̍t-tsì
望你早歸
bāng lí tsá kui
毋通予我孤單過日子
m̄-thang hōo guá koo-tuann kuè ji̍t-tsí
愛我著愛堅持
ài guá tio̍h-ài kian-tshî
咱的袚鍊手指
lán ê phua̍h-liān tshiú-tsí
有咱甜蜜的情意
ū lán tinn-bi̍t ê tsîng-ì
毋管透風淹大水
m̄-kuán thàu-hong im-tuā-tsuí
我嘛用心等待你
guá mā iōng-sim tán-thāi lí
我心肝強欲飛去
guá sim-kuann kiōng-beh pue–khì
你敢了解我心意
lí kám liáu-kái guá sim-ì
我會安份守己
guá ē an-hūn siú-kí
忍耐短短的相思
jím-nāi té-té ê siunn-si
