雨的暗暝
《雨的暗暝》Hōo ê Àm-mî
鄧詠家Tīng Īng-ka
——————————————
風將我目屎吹焦
hong tsiong guá ba̍k-sái tshue ta
無法度吹走
bô-huat-tōo tshue-tsáu
是我心內的疼
sī guá sim-lāi ê thiànn
雨落愈大
hōo lo̍h jú tuā
心就愈疼
sim tiō jú thiànn
傷心的歌
siong-sim ê kua
唱著阮的心情
tshiùnn tio̍h gún ê sim-tsiânn
當天咒誓你欲愛我
tng thinn tsiù-tsuā lí beh ài guá
將我疼入心肝
tsiong guá thiànn ji̍p sim-kuann
按怎如今心有另外
án-tsuánn jû-kim sim ū līng-guā
多年感情閣算啥
to-nî kám-tsîng koh sǹg siánn
毋通當做
m̄-thang tòng-tsuè
女人一定就是軟汫
lú-jîn it-tīng tsiū-sī nńg-tsiánn
一旦發威
it-tàn huat-ui
嘛是無好惹
mā sī bô hó jiá
啊~男人算啥
ah~ lâm-jîn sǹg siánn
雨の降る夜は
ám-meh nooh hú-luh ióo-lú uah
